Превью. "Пахтакор" - "Бухоро"

«ПАХТАКОР» – «БУХОРО»
3 апрель 2015. Тошкент. “Пахтакор” стадиони. 18:00
Ҳакамлар: М.Мухамедов, Т.Гайнулин, С.Шоюсупов, Д.Мухторов.
Назоратчи: Р.Серазетдинов.

“Пахтакор” ҳамда “Бухоро” олий лигада 44 бора тўқнаш келишган. Шулардан 31тасида “Пахтакор” ғолиб бўлган, 7та ўйинда ғолиб аниқланмаган. “Бухоро” ҳозирга қадар “Пахтакор”ни 6 марта мағлуб этган. Тўплар нисбати “Пахтакор” фойдасига 97:31 ни ташкил қилмоқда. Ўзаро ўйинларда “шерлар” 100 очкони, “Бухоро” эса 25 очкони қўлга киритган.

“Пахтакор”нинг “Бухоро” устидан қозонган йирик ғалабаси – 8:0га тенг. “Бухоро”нинг ушбу рақиб устидан қозонган энг йирик ғалабаси эса 2:0 бўлиб турибди.

Ўтган йил Бухорода кечган ўйинда ҳисоб очилмаганди – 0:0. Иккинчи даврада Тошкентда кечган учрашувда “шерлар” 4:0 ҳисобида зафар қучишган. Меҳмонлар дарвозасига Жамшид Искандеров, Владимир Козак, Игорь Сергеев ҳамда Баҳодир Пардаев гол уришган.

Тошкентда бўлиб ўтган сўнгги беш учрашув:
29.10.2014 «Пахтакор» - «Бухоро» 4:0
04.08.2013 «Пахтакор» - «Бухоро» 2:1
21.11.2012 «Пахтакор» - «Бухоро» 4:1
14.04.2011 «Пахтакор» - «Бухоро» 1:0
01.03.2009 «Пахтакор» - «Бухоро» 3:0

Ўзаро ўйинлар ҳақида факт: “Бухоро” ўз тарихида бир марта Тошкентда “Пахтакор”ни мағлуб этган (1996 йил). Шундан сўнг бўлиб ўтган 17та ўйинда “шерлар” ўз майдонларида бу рақибни таслим этиб келишмоқда. “Бухоро” Тошкентдаги ўйинларда бир марта дуранг ўйнаган ва 18 бора мағлуб бўлган.