Превью. "Олмалиқ" - "Андижон"

«ОЛМАЛИҚ» – «АНДИЖОН»
5 апрель. Олмалиқ. “Олмалиқ” стадион. 17:00
Ҳакамлар: Р.Бобомуродов, Р.Самандаров, О.Жумаев, Д.Каримов
Назоратчи: Б.Галеев.

“Олмалиқ” ва “Андижон” олий лигада жами 10 бора тўқнаш келган. Натижалар “Олмалиқ”нинг устунлигини кўрсатмоқда.

Шу кунга қадар “Олмалиқ” 6та ўйинда ғалаба қозонган, қолган тўрт учрашувда “бургутлар” муваффақият қозонишган. Гол уриш бўйича ҳам устунлик “Олмалиқ” томонида – 18:14. “Олмалиқ” ўзаро ўйинларда 18, “Андижон” эса 12 очко очко ишлаган. Ўзаро ўйинлардаги энг йирик ғалабалар қуйидагича:  “Олмалиқ” - “Андижон” 4:1,  “Андижон” - “Олмалиқ” 4:2

2012 йил Олмалиқда бўлиб ўтган учрашувда мезбонлар сафида Олег Зотеев, Дарко Станоевич ва Достон Абдураҳмонов гол уришган, “бургутлар” сафида Владимир Шишелов дублга эришган – 3:2. Водийда ташкил этилган баҳсда меҳмонлар йирик ғалабани қўлга киритишган. Олег Зотеев дублга эришган, Евгений Гогол ва Зафар Полвонов биттдан гол уришган. “Андижон” таркибида Алишер Тўхтасинов ўзини кўрсатган – 1:4.

Олмалиқда ўтган сўнгги беш учрашув:
08.04.2012  «Олмалиқ» – «Андижон»  3:2
14.06.2011  «Олмалиқ» – «Андижон»  2:1
31.10.2010  «Олмалиқ» – «Андижон»  2:1
20.06.2009  «Олмалиқ» – «Андижон»  2:0
12.04.2008  «Олмалиқ» – «Андижон»  1:0

Ўзаро ўйинлар ҳақида факт: “Олмалиқ” ўз уйида ўтказган 5та ўйиннинг барчасида ғолиб бўлган! Охирги тўрт учрашувда Игорь Шквирин шогирдлари камида 2тадан гол уришган.