Превью. «Норин» - «УзДонгЖу»

Андижоннинг «УзДонгЖу» жамоаси сафарда қўшни Наманган вилояти Хаққулобод туманининг «Норин» жамоаси меҳмони бўлади.

Ушбу ўйин жамоаларнинг ўзаро иккинчи тўқнашуви ҳисобланади. Биринчи даврада Андижондаги учрашувда майдон эгалари 2:1 ҳисобда ғалабага қозонган эди. Жамоаларнинг мусобақа жадвалидаги эгаллаб турган ўринларига этибор қаратсак: «УзДонгЖу» жамоаси ўтказилган 31 ўйиндан 55 очко жамғариб 4-ўринни ўзлариники қилиб олган бўлса, мезбонлар «Норин» жамоаси эса 31-ўйиндан 72 очко жамғариб олий лига ўтиш баҳсига қатнашиш ҳуқуқини берувчи 2-ўринга асосий даъвогар бўлиб туришибди. Норин жамоасини ушбу учрашувда фақат ғалаба қаноатлантиради акс ҳолда эгаллаб турган жойларини бой бериб қўйишлари мумкин. Эртанги ўйинни Тошкентлик Аҳмаджон Эргашев бошқариб боради унга қанотларда жиззахлик Маҳмуд Турдиев ва гулистонлик Дониёр Убайдуллаевлар ёрдам беришади.

Ушбу баҳс Хаққулободдаги «Шодлик» стадионда соат 14:00 бошланиши режалаштирилган.
Иккала жамоага ҳам омад тилаймиз.

Қолдирилган 23– тур 9 ноябр (чоршанба)
«Норин» (Хаққулобод) - «УзДонгЖу» (Андижон).«Шодлик» стадиони соат 14:00 да.
Хакамлар: А.Эргашев (Тошкент),М.Турдиев (Жиззах),Д.Убайдуллаев (Гулистон).
Назоратчи: Т.Абдуллаев (Тошкент).

«УзДонгЖу» ФК матбуот котиби Шерзодбек Мамадалиев тайёрлади.