Превью. "Нефтчи" - "Қўқон-1912"

«Нефтчи» (Фарғона) – «Қўқон-1912» (Қўқон)
10 июнь 2016. Фарғона. "Истиқлол" стадиони. 19:00
Ҳакамлар: В. Агишев (Тошкент), М. Саидқосимов (Тошкент), А. Снетков (Тошкент вил.), А. Нажафалиев (Тошкент)
Назоратчи: А. Арутюнов (Тошкент).
УзПФЛ вакили: Б. Ҳайдаров.
 
“Нефтчи” ва “Қўқон-1912” олий лигада 20 бора тўқнаш келишган. Натижалар “Нефтчи”нинг каттагина устунлигини кўрсатмоқда. “Нефтчи” 17та ўйинда ғолиб бўлган, 2 марта дуранг қайд этилган. “Қўқон-1912” бу рақибни бир марта мағлуб этган. Тўплар нисбатида катта устунлик “Нефтчи” томонида - 62:23. Ўзаро ўйинларда “Нефтчи” 53 очкога эга бўлган бўлса, “Қўқон-1912” 5 очкони қўлга киритган.

“Нефтчи”нинг ўзаро ўйинларда қозонган энг йирик ғалабаси – 6:1га тенг. Қўқонликлар ягона ғалабаси - 1:0.

2015 йил Қўқондаги учрашувда “Нефтчи” зафар қучган. Дастлаб майдон эгалари вакили Нодир Қўзибоев ҳисобни очганди. Биринчи бўлимда Шукурали Пўлатов томонидан урилган гол ҳисобни тенглашишига хизмат қилган. Акмал Холматовнинг киритган тўпи “Нефтчи”га иродали ғалабани келтирганди – 2:1. Фарғонада эса аксинча “Қўқон-1912” ғалаба қозонган. Дониёр Усмоновнинг урган голи қўқонликларга “Нефтчи” устидан дастлабки тарихий ғалабани келтирганди.

Фарғонада бўлиб ўтган сўнгги беш учрашув:
30.10.2015 «Нефтчи» - «Қўқон-1912»  0:1
08.09.2003 «Нефтчи» - «Қўқон-1912»  6:2
29.06.2002 «Нефтчи» - «Қўқон-1912»  6:3
29.10.2000 «Нефтчи» - «Қўқон-1912»  4:0
06.04.1999 «Нефтчи» - «Қўқон-1912»  5:1

Ўзаро ўйинлар ҳақида факт: “Нефтчи” ўз майдонида бўлиб ўтган 10та ўйиннинг 9тасида ғалабага эришган. Битта учрашувда “Қўқон-1912” зафар қучган.