Превью. "Металлург" - "Андижон"

«Металлург» (Бекобод) – «Андижон» (Андижон)

23 май. 17:00

Ҳакамлар: Ш. Қосимов (Тошкент), А. Усманов (Тоашкент), Н. Рузимов (Тошкент), А. Эргашев (Ташкент)

Назоратчи: Ш. Жумаев (Қарши).

“Металлург” ва “Андижон” олий лигада жами 30 бора тўқнаш келган. Кичик устунлик “Металлург” томонида. 12та ўйинда бекободликларнинг қўли баланд келган. 10та ўйинда “бургутлар” ғолиб бўлишган. Яна 8та ўйинда дуранг натижаси қайд этилган. Тўплар нисбатида ҳам кичик устунлик “Металлург” томонида 51:48. “Металлург” ўзаро ўйнларда 44, “Андижон” эса 38 очкони ўз ҳисобига ёзиб қўйган.

“Металлург”нинг “Андижон” устидан қозонган энг йирик ғалабаси –4:1. Қизиғи андижонликларнинг бу кўрсаткичи ҳам 4:1 бўлиб турибди.

Ўтган мавсумда Бекободда ўтган баҳсда “Металлург” зафар қучган. Шухрат Йўлдошев, Мурод Тошматов ва Шаҳзодбек Нурматовнинг голларига “бургутлар”дан Мирзакамол Камолов ва Шаҳзод Шайманов жавоб беришганди – 3:2. Андижондаги учрашувда дуранг кузатилган. Лочин Солиев ва Мирзакамол Камолов майдон эгалари таркибида, Шохназар Норбеков ва Сардор Расулов бекободликлар сафида гол уришган – 2:2.

Бекободда ўтган сўнгги беш учрашув:
01.06.2014 «Металлург» - «Андижон»  3:2
17.03.2012 «Металлург» - «Андижон»  1:1
24.09.2011 «Металлург» - «Андижон»  4:1
02.10.2010 «Металлург» - «Андижон»  2:1
11.04.2009 «Металлург» - «Андижон»  2:2

Ўзаро ўйинлар ҳақида факт: “Металлург” ўз уйида 11 марта муваффақият қозонган. Бекободда 2 бор дуранг қайд этилган. “Андижон” бу рақиб майдонидан фақат бир бор ғалаба билан қайтган (2007 йил). Охирги олти учрашувда “Металлург” ўз майдонида “бургутлар”га мағлуб бўлмаган.

Нарзулла Сайдуллаев тайёрлади