Превью. "Бухоро" - "Бунёдкор"

«Бухоро» (Бухоро) – «Бунёдкор» (Тошкент)
2 август 2015 йил. Бухоро. "Бухоро" стадиони. 19:00
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Н. Қосимов (Қарши)
Назоратчи: Р. Серазетдинов (Тошкент).

“Бухоро” ва “Бунёдкор” олий лигада 15 бора тўқнаш келишган. Натижалар “қалдирғочлар”нинг мутлоқ устунлигини кўрсатмоқда.

“Бунёдкор” ушбу рақибни 13 марта мағлуб этган. “Бухоро” “қалдирғочлар”га қарши ўйинда икки бор дуранг ўйнаган ва умуман ғалаба қозона олмаган. “Бунёдкор” ўзаро ўйинларда 39та гол урган, “Бухоро” футболчилари атига 3 марта тошкентликлар дарвозасини ишғол этишган. “Бунёдкор” ўзаро ўйинларда 41 очкога эга бўлган, “Бухоро” ҳисобида 2 очко бор. “Бунёдкор”нинг ўзаро ўйинларда энг йирик ғалабаси 5:0га тенг. “Бухоро” ҳисобида ғалаба умуман йўқлиги ҳақида айтиб ўтдик.

Биринчи турда Тошкентда ўтган баҳсда Шокир Зуаги ва Мирзоҳид Ғофуровнинг урган голлари “қалдирғочлар”га ғалаба келтирган эди – 2:0.

Бухорода ўтган барча учрашувлар:
28.04.2014 «Бухоро» - «Бунёдкор» 1:1
29.09.2013 «Бухоро» - «Бунёдкор» 0:0
08.05.2012 «Бухоро» - «Бунёдкор» 0:4
30.07.2011 «Бухоро» - «Бунёдкор» 0:4
18.09.2009 «Бухоро» - «Бунёдкор» 1:2
12.05.2008 «Бухоро» - «Бунёдкор» 0:3
10.05.2007 «Бухоро» - «Бунёдкор» 1:2

Ўзаро ўйинлар ҳақида факт: “Бухоро” ўз майдонидаги 7та ўйиннинг 2тасида дуранг ўйнаган. Қолган 5та учрашувда “Бунёдкор” сафардан ғалаба билан қайтган. Қизиғи иккита дуранг ҳам охирги икки йилда кузатилган.