Превью. "Бунёдкор" - "Бухоро"

«Бунёдкор» (Тошкент) – «Бухоро» (Бухоро)
14 май 2016. Тошкент. "Бунёдкор" стадиони. 19:00
Ҳакамлар: Ш. Қосимов (Тошкент), Т. Галеев (Тошкент), А. Пўлатов (Тошкент), А. Раҳимов (Андижон)
Назоратчи: С. Нажафалиев (Тошкент).

“Бунёдкор” ва “Бухоро” олий лигада 16 бора тўқнаш келишган. Натижалар “қалдирғочлар”нинг мутлоқ устунлигини кўрсатмоқда.

“Бунёдкор” ушбу рақибни 14 марта мағлуб этган. “Бухоро” “қалдирғочлар”га қарши ўйинда икки бор дуранг ўйнаган. Жамоа Тошкент клубини умуман мағлуб эта олмаган. “Бунёдкор” ўзаро ўйинларда 41та гол урган, “Бухоро” футболчилари атига 4 марта тошкентликлар дарвозасини ишғол этишган. “Бунёдкор” ўзаро ўйинларда 44 очкога эга бўлган, “Бухоро” ҳисобида 2 очко бор. “Бунёдкор”нинг ўзаро ўйинларда энг йирик ғалабаси 5:0га тенг. “Бухоро” ҳисобида ғалаба умуман йўқлиги ҳақида айтиб ўтдик.

Ўтган йил иккала баҳсда ҳам “Бунёдкор” ғалаба қозонган. Ўз майдонида Шакер Зуаги ва Мирзоҳид Ғофуровнинг урган голлари “қалдирғочлар”га 3 очко келтирган. Бухорода мезбонлар сафида Сергей Георгиев тўп киритган, бунга Элдор Шомуродов ва Достонбек Ҳамдамов жавоб беришганди – 1:2.

Тошкентда ўтган охирги беш учрашув:
12.03.2015 «Бунёдкор» - «Бухоро» 2:0
13.09.2014 «Бунёдкор» - «Бухоро» 5:0
05.05.2013 «Бунёдкор» - «Бухоро» 4:0
24.09.2012 «Бунёдкор» - «Бухоро» 1:0
20.06.2011 «Бунёдкор» - «Бухоро» 3:0

Ўзаро ўйинлар ҳақида факт: “Бунёдкор” ўз майдонидаги 8та ўйиннинг барчасида ғолиб бўлган. Эътиборлиси “Бухоро” Тошкентда ушбу жамоа дарвозасига умуман гол ура олмаган.