Почеттино "Челси" билан агентсиз музокара ўтказмоқда. Бу клубга каттагина пулни тежаб қолишга ёрдам беради

Маурисио Почеттино "Челси" билан музокаралар чоғида агентлар ёрдамидан фойдаланмаяпти. The Telegraph нашрининг хабар беришича, Почеттино бошқа кўпгина ҳамкасбларидан фарқли равишда ўз ҳуқуқ ва мажбуриятларини ўзи клуб билан муҳокама қилмоқда. Бу жараёнда унга ўз ассистенти Хесус Перес ёрдам бермоқда. 

Бу эса "Челси"га агентлар комиссия маблағини тўламасдан, катта маблағни тежаб қолишга имкон бермоқда. Аввалроқ, Почеттинонинг клубга келиши кейинги ҳафта эълон қилиниши айтилганди.