Пешқадам "Локомотив" охирги ўриндаги "Шўртан" меҳмони бўлади

Негаки "Локо" чемпионлик сари ҳаракат қилаётган бўлса, "Шўртан" олий лигада қолиш учун кураш олиб бормоқда.

Олий лиганинг 5-тур якунларига кўра "Локомотив" 13 очко билан биринчи ўринда бормоқда. "Шўртан" ҳисобида эса умуман очко йўқ ва улар охирги ўринни эгаллаб туришибди. "Локомотив" бунгача ўтгазилган беш ўйиндан тўрттасида ғолиб бўлиб, бир бор дуранг ўйнаган бўлса, "Шўртан" ҳамма учрашувда имкониятни бой берди.

"Шўртан" ортда қолган беллашувларда атиги тўртта гол уриб, ўз дарвозасидан 10та тўп ўтказиб юборди. Ғузорликлар таркибида Лазиз Убайдуллаев, Игорь Таран ва Аббос Омонов биттадан гол уришди. Шунингдек, "Насаф" ҳимоячиси Шерзод Аъзамов ўз дарвозасига тўп киритиб қўйган. "Локомотив" эса олий лигада энг кўп гол урган жамоа бўлиб турибди - 14та. Темурхўжа Абдухолиқов бешта гол билан биринчи ўринда бораётган бораётган бўлса, Сардор Мирзаев ҳисобида тўртта, Марат Бикмаевда иккита, шунингдек Кахи Махарадзе, Санжар Шоаҳмедов ва Сервер Жепаров ҳисобида биттадан гол бор.  

Олий лига-2016. "Шўртан" натижалари:
1-тур. "Насаф" - "Шўртан" 2:1
2-тур. "Шўртан" - "Қизилқум" 0:1
3-тур. "Металлург" - "Шўртан" 3:2
4-тур. "Шўртан" - "Бунёдкор" 0:1
5-тур. "Навбаҳор" - "Шўртан" 3:1

"Шўртан" сафида гол урган футболчилар:
Лазиз Убайдуллаев (1)
Игорь Таран (1)
Аббос Омонов (1)
Шерзод Аъзамов ("Насаф", автогол)

Олий лига-2016. "Локомотив" натижалари:
1-тур. "Навбаҳор" - "Локомотив" 2:3
2-тур. "Андижон" - "Локомотив" 1:3
3-тур. "Локомотив" - "Нефтчи" 4:0
4-тур. "Сўғдиёна" - "Локомотив" 1:1
5-тур. "Локомотив" - "Машъал" 3:1
 
"Локомотив" сафида гол урган футболчилар:
Темурхўжа Абдухолиқов (5)
Сардор Мирзаев (4)
Марат Бикмаев (2)
Санжар Шоаҳмедов (1)
Кахи Махарадзе (1)
Сервер Жепаров (1)