Пепе: "ЖЧни Роналдусиз тасаввур қила олмайман"

Португалия терма жамоаси ўз майдонида гуруҳ етакчиси Швейцария термасини қабул қилади. Эслатиб ўтамиз, меҳмонлар бу босқичда ҳали умуман очко йўқотишмаган, ҳамда Роналду ва жамоасини 3 очкога ортда қолдиришмоқда. Мезбонларни бу ўйинда фақат ғалаба қаноатлантиради. Шундагина улар Россияда бўлиб ўтадиган Жаҳон Чемпионатига тўғридан-тўғри йўлланма соҳибига айланадилар.  

Португалия термаси марказий ҳимоячиси учрашув олдидан ўз фикрлари билан ўртоқлашди.

"Жаҳон Чемпионатини Роналдусиз тасаввур қила олмайман. Ҳа, келажакни аввалдан айтиб бўлмайди. Нима бўлишини фақат яратган билади, аммо шуниси аниқки, бизни ўта муҳим ўйин кутиб турибди. Бутун Португалия бизга ишонади ва қўллаб-қувватлайди. Швейцария билан баҳсда ватан обрўси, мухлислар хурсандчилиги учун ҳам ғалаба қозонмоқчимиз", дейди Пепе.