Пеп Гвардиола: "Астон Вилла" яхшироқ ўйнади. Биз Родрисиз ҳам ғалаба қозонишни ўрганишимиз керак"

"Астон Вилла" биздан яхшироқ ўйнади. Биринчи бўлимда биз тўп назорати борасида яхши ўйнай олмадик, иккинчисида эса бу бироз яхшиланди ва бизда имкониятлар бўлди. Бироқ вақтида пас ёки тўғри ҳаракатни амалга ошира олмадик. 

Рикошетдан сўнг гол ўтказиб юбордик. "Астон Вилла" яхшироқ бўлганини тан олиб, "Лутон" билан баҳсга тайёрланишимиз керак.

Родри - муҳим футболчи. Аммо усиз ҳам ғалаба қозониш йўлини ўрганишимиз керак. 

Биз олти очкога ортда қолмоқдамиз. Етакчи бўлишни истаймиз, аммо уч маротаба дуранг ўйнадик ва бугун мағлуб бўлдик. 

Рақиб кучли бўлган пайт тан олишни билиш керак", - деди Гвардиола.