Педри жароҳати сабаб "Атлетико"га қарши ўйинни ўтказиб юборади

Каталония клуби матбуот хизматининг хабар беришича, 18 ёшли футболчи чап сонидан жароҳат олган. Футболчининг тикланиш вақти даволаниш жараёни қандай бўлишига боғлиқ бўлади.

Ҳимоячи Хорди Алба эса жамоа машғулотларига қайтди. Охирги марта у майдонга 14 сентябрь куни, "кўк-анорранглилар" "Бавария"га имкониятни бой берган учрашувда майдонга тушганди (0:3).

Эслатиб ўтамиз, "Барселона" эртага, 2 октябрь куни "Атлетико" билан ўйнайди. Учрашув Тошкент вақти билан 23:59 да бошланади.