"Пахтакор"нинг яна бир футболчиси Беларусь клубида ўйнайди
25 авг 2020 14:12
Новости

"Пахтакор"нинг яна бир футболчиси Беларусь клубида ўйнайди

Йил бошида ўзбекистонлик икки нафар футболчи Жасур Яхшибоев ва Шоҳбоз Умаров Беларусь чемпионатига кўчиб ўтишганди.

Айни пайтда Яхшибоев "Шахтёр"да ўйнаётган бўлса, Умаров "Энергетик-БГУ"да тўп тепмоқда. Бироқ Умаров БАТЭ клуби билан шартнома тузиб бўлганидан ҳам хабарингиз бор албатта. Ҳамюртларимиз ўзларини яхши томонлама кўрсатишаётгани Беларусь чемпионати клубларининг ўзбекистонлик футболчиларга қизиқишни янада оширди.

Куни кеча "Пахтакор" футболчиси Ҳумоюнмирзо Иминов ҳам Беларусь мамлакатига учиб борди. 20 ёшли ярим ҳимоячи фаолиятини "Энергетик-БГУ" сафида давом эттиришга жуда яқин турибди.

Иминов Ўзбекистон чемпионатида жами 6та ўйинда майдонга тушиб 368 дақиқа давомида ҳаракат қилган.