"Пахтакор"нинг БААдаги йиғини бекор қилинди

Олий лиганинг кечроқ, 15 мартда бошланиши ва 14 нафар футболчининг Уммондаги Осиё чемпионатида иштирок этиши туфайли режа ўзгартирилди. Асосий таркиб аъзолари жам бўлгач, январь ойи охирида Туркияда йиғин ташкил қилинади. У ердан қайтиб келгач, бир неча кун Тошкентда бўлиб, кейин яна Туркияга жўнаб кетилади.

Демак, Туркияда икки бор йиғин ўтказилади. Январь охиригача тайёргарлик Тошкент ва Қибрайда давом эттирилади.  Бугун эрталаб "Пахтакор" футболчилари "Ёшлик" спорт мажмуасида жисмоний тестлардан ўтишди. Кечки машғулотлар эса бассейнда ўтказилиши белгиланган. Эртанги машғулот дастлаб базада, кейин "NBU-Осиё" тренажёр залида бўлиб ўтади.