"Пахтакор"да янги академия қурилиш арафасида эди, энди нима бўлади?

Президент фармони билан Жаҳонгир Ортиқхўжаев ўрнига Бахтиёр Рахмонов вақтинчалик пойтахт ҳокими этиб тайинланди.

Биламизки, "Пахтакор" клуби айни пайтда Тошкент шаҳар ҳокимиятига тегишли. 5 январь куни Жаҳонгир Ортиқхўжаев ва Республика бош вазири Абдулла Орипов Чилонзор туманига ташрифи давомида клубнинг академиясига ҳам кириб ўтган эди. Ўшанда Жаҳонгир Ортиқхўжаев академияга маъсул вакилларига, Қибрай туманидаги спорт базада, 100 кишилик янги ётоқхона, 5та янги майдон (шундан иккитаси сунъий) ва ташландиқ ҳолатда ётган манежни қайта реконструкция қилиш бўйича лойиҳа тайёрлаш бўйича топшириқ берган.

1956 йилда ташкил топган "Пахтакор" футбол жамоасига яқинда 70 йил тўладики, шу кунгача ўзининг ётоқхонаси бор академия тизимига эга эмас.

Энди туғиладиган савол, академияни ким қуради? "Пахтакор" мухлислари гуруҳларида, бир қатор ишқибозлар Жаҳонгир Ортиқхўжаевни жамоа ҳомийлигидан кетмаслигини сўраяптилар.