"Пахтакор": Жамоамиз машғулотларни давом эттирмоқда

Айни кунларда машғулотлар "Ёшлик" спорт зали футбол майдонида ўтказиляпти. Нўъмон Ҳасанов бошчилигидаги мураббийлар штаби асосий эътиборни таътилдан қайтган футболчиларнинг жисмоний ҳолатини тиклаш ва яхшилашга қаратган. Дастлаб турли машқларни бажараётган ўйинчилар кейин жамоаларга бўлинган ҳолда қисқа вақт футзал ўйнаб, тўп билан ишлашга ўтишмоқда. Тошкентдаги биринчи йиғин 28 декабрь куни "Олмалиқ" билан ўтадиган назорат учрашувидан кейин якунига етади. Январь бошида яна Тошкентда йиғиладиган жамоамиз 10 январда БААга биринчи хориж йиғинини ўтказиш учун йўл олади.