Pakhtakor.uz: Превью, 14-тур: "Пахтакор" - "Насаф"
25 июн 2015 23:32
Новости

Pakhtakor.uz: Превью, 14-тур: "Пахтакор" - "Насаф"

26 июнь, жума куни “Пахтакор” олий лиганинг 14-турида “Насаф”ни қабул қилади.

Мазкур беллашув ҳар икки жамоа учун муҳим саналади. Жамоамиз чемпионлик мавқеини сақлаб қолиш сари курашни давом эттираётган бўлса, қаршиликлар ҳам юқори ўринлар учун курашиб, 4-поғонани эгаллаб туришибди.

Ҳозиргача жамоалар олий лигада 36 бор майдонга тушишган. “Пахтакор” 20, “Насаф” 7 учрашувда зафар қучган. 9 баҳс дуранг билан якунланган. Тўплар нисбати 51-27, жамоамиз фойдасига. Тошкентдаги 18 ўйиннинг 15тасида “Пахтакор” ғалаба қозонган. 2 беллашув дуранг ва бир учрашув Қарши жамоаси муваффақияти билан тугаган. “Насаф” Тошкентдаги ўйинларда охирги марта 2004 йил тўп киритган. 10 мавсумдан буён рақибларга пойтахтда гол уриш насиб қилмаган.

Олий лиганинг 14-тур марказий баҳси "Пахтакор" - "Насаф" учрашуви 26 июнь, жума куни “Пахтакор” стадионида соат 19:30да бошланади.

Ўйинни Равшан Эрматов бошчилигидаги ҳакамлар гуруҳи бошқаради.

"ПАХТАКОР" - "НАСАФ"

Ҳакамлар: Равшан Эрматов (Тошкент), Абдулҳамид Расулов (Тошкент), Жаҳонгир Саидов (Тошкент), Рустам Тошмуҳаммедов (Тошкент вилояти).

Назоратчи: Вячеслав Валицкий (Тошкент).

Ссылка :

Источник : pakhtakor.uz

Получайте новости прямо в Telegram!

Рейтинг: