Ўзбекистонлик ҳакамлар U-22 Осиё Чемпионати баҳсларига таклиф этилдилар
17 дек 2013 15:56
Новости

Ўзбекистонлик ҳакамлар U-22 Осиё Чемпионати баҳсларига таклиф этилдилар

Ўзбекистонлик ҳакамлар 2014 йилнинг январ ойида Уммон мамлакати мезбонлик қиладиган U-22 Осиё чемпионати финал босқичи ўйинларида ишлайдилар.

ОФК 2014 йилнинг 11-26 январь кунлари Уммон пойтахти Мускат шаҳрида ташкил этиладиган U-22 ёшлар ўртасидаги илк Осиё чемпионати баҳсларида ишлайдиган ҳакамлар номини тасдиқлади. Унга кўра, Осиё Футбол Конфедерацияси ёшлар ўртасидаги Осиё чемпионати ўйинларига икки нафар ўзбекистонлик ҳакамни таклиф этган.

Жумладан, ўзбекистонлик ОФК инструктори Фарҳод Абдуллаев Очиё чемионати ўйинларида назоратчи сифатида ишласа, ФИФА лайнсмени Жаҳонгир Саидов ёрдамчи ҳакам сифатида мусобақа ўйинларида ишлайди.

Эслатиб ўтамиз, ОФК миқёсида илк марта ташкил этилаётган 22 ёшгача бўлган ёшлар ўртасидаги (U-22) Осиё чемпионати баҳслари 2014 йилнинг 11-26 январь кунлари Уммон мамлакатида бўлиб ўтади. Мазкур мусобақада Шуҳрат Мақсудов бош мураббийлигидаги Ўзбекистон ёшлар терма жамоаси ҳам иштирок этади.

Ссылка :

Источник : the-uff.com

Получайте новости прямо в Telegram!

Рейтинг: