Ўзбекистон ёшлар терма жамоаси еттинчи бор Осиё чемпионатида иштирок этади
07 окт 2015 12:40
Новости

Ўзбекистон ёшлар терма жамоаси еттинчи бор Осиё чемпионатида иштирок этади

Кеча Жасур Абдураимов бошчилигидаги Ўзбекистон ёшлар терма жамоаси кейинги йил Баҳрайнда бўлиб ўтадиган Осиё чемпионатига йўлланма олди.

Ёшларимиз саралаш босқичида Бутан (7:0), Шри-Ланка (3:0) ва Бангладеш (4:0) устидан ғалабага эришиб қитъа биринчилигига йўлланмани қўлга киритишди.

Шу тариқа, Ўзбекистон ёшлар терма жамоаси еттинчи марта Осиё чемпионатига чиқди. Бунгача ёшларимиз 2002, 2004, 2008, 2010, 2012 ва 2014 йилларда ўтказилган чемпионатларда қатнашган.

2008 йилда Аҳмад Убайдуллаев бошчилигидаги Ўзбекистон ёшлар терма жамоаси қитъа чемпионатида кумуш медалларига эга чиққан.

Охирги икки мусобақада жамоамиз ярим финалга қадар етиб борган.

Эслатиб ўтамиз, U-19 Осиё чемпионати 2016 йил Баҳрайн мамлакатида бўлиб ўтади. Мусобақа 13 октябрда бошланиб 30 октбярь куни якунига етади. Қитъа чемпионатида ярим финалга чиққан тўрт жамоа 2017 йил Жанубий Кореяда бўлиб ўтадиган U-20 Жаҳон чемпионатига йўлланма олади.