Ўзбекистон терма жамоаси Япония билан ўйинни нима учун бекор қилди? Рашидов чақириладими? Вадим Абрамовдан жавоб
11 мар 2021 14:10
Новости

Ўзбекистон терма жамоаси Япония билан ўйинни нима учун бекор қилди? Рашидов чақириладими? Вадим Абрамовдан жавоб

Сайтимиз орқали Ўзбекистон миллий терма жамоасининг ФИФА кунларида Япония билан ўртоқлик ўйинини бекор қилганини, Тошкентда Ироқ билан учрашув ўтказишини маълум қилган эдик.

"Тезкор Студия"нинг кечаги жонли эфирида терма жамоамиз бош мураббийи Вадим Абрамов юқоридаги маълумотларга муносабатини билдирди.

"Тошкентда Ироқ билан ўйнашимиз аниқ бўлиб улгурган. Агарда рақиб топа олмасак, балки, иккита ўйин ўтказармиз. Ҳа, Япония бизни таклиф қилди. Лекин, биз узоқ парвоз қилишимиз ва уч кун карантинда ўтиришимиз керак. Яна Тошкентга қайтишимиз ҳам бор. Булар кўп вақтни олиб қўяди. Март ойидаги йиғинга легионерларни ҳам жалб қилишимиз мумкин. Масалан, Элдор Шомуродов тўғридан-тўғри кела олмайди. Европадан Тошкентгача етти соатда етиб келади. Сардор Рашидовни чақириш масаласини ўйлаб кўрамиз. Олдинда яна иккита тур бор, кузатамиз",- дейди Абрамов.