Ўзбекистон терма жамоаси Монтевидеога етиб борди

Кеча тонгда терма жамоамиз делегацияси Истанбулга учиб кетганди. Туркиядан сўнг жамоамиз Испания пойтахти Мадрид шаҳрига учиб борди.
championat.asia
Мадридда терма жамоамиз икки гуруҳга ажралган ходимлар Iberia авиакомпаниясининг IB 6827 рейси орқали Бразилиянинг Сан-Паулу шаҳрига учишди. Бугун маҳаллий вақт билан соат 5:00да (Тошкентда 13:00да) терма жамоа ходимлари ўтирган самолёт Сан-Паулу шаҳрига бориб қўнди. 

Тимур Кападзе бошчилигидаги футболчилар эса Мадриддан Iberia авиакомпаниясининг IB 6011 рейси орқали тўғри Монтевидеога учишди. Маҳаллий вақт билан соат 08:00да (Тошкентда 16:00да) футболчилар ва мураббийлар ўтирган самолёт Уругвай пойтахтига бориб қўнди.

Маълумот учун, Сан-Паулу ва Монтевидео шаҳарлари орасидаги масофа 1564 километрга тенг. Терма жамоамиз ходимлари қачон Уругвай пойтахтига бориши ҳозирча маълум эмас.