RU

Последние новости

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  16 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  30 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Ўзбекистон кубоги энди худди Англия кубогидек бўлади Новости

Ўзбекистон кубоги энди худди Англия кубогидек бўлади

Ўзбекистон Кубоги беллашувлари янги форматда ўтади. Унда мамлакат Суперлигасининг 12 та ҳамда Про-лиганинг 18 та жамоаси ғолиблик учун кураш олиб боради.

Аввалдан белгилаб қўйилгани учун “Локомотив”, “Насаф”, “Пахтакор” ва “Бунёдкор” клубларининг мусобақага 1/8 финал босқичидан қўшилиши ўз кучини сақлаб қолди. Бироқ энди улар ўзларининг бўлажак рақиблари ҳақида маълумотга эга бўлмайди.

Шу йилдан эътиборан “Нурафшон-С”, “Ифтихор”, “Шердор” ҳамда “Лабса” клублари катта футболга кириб келмоқда. Кубок беллашувларини айнан шу тўрт клуб бошлаб беради. 1/32 финал босқичида уларга қулайлик яратиш мақсадида бир-бирига нисбатан яқинроқ бўлган “Шердор” ҳамда “Лабса” жамоалари ўзаро ўйнаши, иккинчи жуфтликни эса “Нурафшон-С” ҳамда “Ифтихор” ташкил қилиши белгилаб қўйилди. Бир ўйиндан иборат плей-офф ғолиби иккинчи саралаш босқичига йўл олади.

Кубокнинг янги форматига кўра, ярим финалга қадар барча учрашувлар фақатгина битта учрашувдан иборат бўлади ва унда мезбон жамоа номини қуръа аниқлаб беради. Про-лига клубининг футбол майдони талабга жавоб бермаса, у ўз вилоятидаги асосий майдонда ўйнаш имкониятини қўлга киритиши мумкин.

Иккинчи саралаш босқичида юқоридаги икки жуфтлик ғолиби ҳамда Суперлиганинг 8 та, Про-лиганинг 14 та жамоаси — жами 24 та клуб иштирок этади. Бунда жамоалар ҳеч қандай саватга ажратилмайди. Саватчадан биринчи тортилган жамоа мезбон мақомини қўлга киритса, кейингиси унинг рақибига айланади.
 
Мана шу 12 та жуфтлик ғолиби 1/8 финалга йўлланма олади ҳамда юқоридаги квартетга қўшилади. Қуръа бу босқичда ҳам исталган клубни бир-бирига рақиб қилиши мумкин. ПФЛ ҳамда “Спорт” телеканали ўзаро келишиб, қуръа шаффоф ўтиши учун 1/8 финалдан бошлаб жараённи жонли намойиш этишга ҳаракат қилади.

Бунга қадар Ўзбекистон Кубогида табақаланиш мавжуд бўлиб, жамоалар финалгача дуч келиши мумкин бўлган эҳтимолий рақиблари ҳақида маълумотга эга бўлган. Эндиликда эса ҳеч бир клубда бундай имконият бўлмайди. Ярим финал беллашувларигина уй-сафар тизимида ўтади.

ПФЛ Про-лиганинг ўзгартирилган форматига қуръа ташлаш маросимини 27 март — сешанба куни ўтказади. Ўзбекистон Кубогининг 1/16 финалига ҳам шу куни қуръа ташланади. Шунингдек, биринчи саралаш босқичи беллашувлари қачон ва қаерда ўтишига ойдинлик киритилади.  
 
Янги формат ўз олдига юқори мақсадлар қўяётган бир қатор клубларга ғолиб бўлиш имкониятини тақдим этиши мумкин. Ўйинларда шиддат бўлиши ва барча клублар Кубок беллашувларига жиддий эътибор қаратиши учун ҳам шу йўлдан юрилди. Қайд этиш керак, Ўзбекистон Кубогида ғолиб чиққан жамоа Осиё Чемпионлар лигаси йўлланмасини қўлга киритиш имкониятига эга бўлади.

Рейтинг: +84   

Комментарии

championat.asia
< посмотреть последние новости
Яндекс.Метрика