Озарбайжон чемпионати муддатидан олдин якунланди. Гадоев жамоаси янги мавсумда Европа Лигасида қатнашади
18 июн 2020 18:20
Новости

Озарбайжон чемпионати муддатидан олдин якунланди. Гадоев жамоаси янги мавсумда Европа Лигасида қатнашади

Озарбайжон футбол федерацияси ижроия қўмитаси (AFFA) коронавирус инфекцияси туфайли чемпионатни муддатидан олдин тугатишга қарор қилди.

Чемпионат март ойи ўрталарида тўхтатилган эди ва жами 20та тур ўйинлари ўйналган эди. Рестарт эса 21 июнга режа қилинганди.

Қўмита қарорига кўра, мамлакат чемпиони ва УЕФА мусобақаларида иштирок этувчи жамоалар ҳозирги ўринларга қараб белгиланади.

8та жамоа иштирок этадиган чемпионатда Агдамнинг "Карабах" жамоаси чемпион бўлди, иккинчи ўринни Бокунинг "Нефтчи", учинчи ўринни эса ҳамюртимиз Шоҳруҳ Гадоев ҳаракат қиладиган Бокунинг "Кешля" жамоаси эгаллади. Гадоев клуби Европа Лигасининг саралаш ўйинларида иштирок этади.

Шунингдек қарорга кўра, 2019/20 йилги мавсум натижаларига кўра, ҳеч бир клуб премьер-лигани тарк этмайди.