Ойбек Рустамов: "Иштиёқ ва мухлисларимиз далдаси орқали ғалабага эришдик"
02 окт 2021 11:16
Новости
![](https://championat.asia/upload/storage/661360_original.jpg)
![](/upload/storage/661360_220.jpg)
Ойбек Рустамов: "Иштиёқ ва мухлисларимиз далдаси орқали ғалабага эришдик"
Учрашувдан сўнг “Қўқон-1912” сафида биринчи голни киритган ярим ҳимоячи Ойбек Рустамов билан суҳбатлашдик.
- Ойбек, “Пахтакор” устидан қозонилган ғалабадан кейинги таассуротларингиз билан ўртоқлашсангиз...
- Очиғи, Ўзбекистоннинг бугунги кундаги биринчи рақамли жамоасига қарши тартибли ўйин кўрсатганимиз эвазига ғалаба қозондик. Ғалабамиз йўлида ҳарактер ва иштиёқ намойиш қилдик.
- Мазкур баҳсда дарвозларга 6та тўп киритилди. Голларга бой ўйин бўлишини кутганмидингиз?
- Йўқ албатта. Бундай бўлишини ҳеч ким кутмаган бўлса керак. Иккала жамоа ҳам ғалаба учун майдонга тушгани учун очиқ футбол намойиш қилди. Бу эса ўйинни голларга бой кечишини таъминлади.
- Стадионга ташриф буюрган клубнинг ашаддий ишқибозларининг далдаси ҳам ғалабага ижобий таъсир кўрсатдими?
- Албатта. Футбол мухлислар учун. Айниқса, қўқон футболини ишқибозларсиз таассавур қилиш қийин. Бугунги ғалабамизда уларнинг ўрни бор. Мухлисларимиз ҳар бир вазиятимизда бизни қўллаб-қувватлаги учун ўз миннатдорчилигимни билдираман.
- “Қўқон-1912” жамоаси “Пахтакор”га қарши ўйинда жорий мавсумдаги энг ёрқин ўйинини кўрсатди деб ўйлайсизми?
- Ҳаа. Жамоамиз мавсумдаги энг шиддатли, ёрқин ва ҳужумкор ўйинларидан бирини ўтказди.
- Гол киритган вазиятингиз хусусида нималарни айта оласиз?
- Ҳар бир футболчи гол уришни истайди. Мен ҳам гол уриб, жамоам ғалабасига ўз ҳиссамни қўшганимдан хурсандман.
Похожие новости
![AMP Logo](https://championat.asia/image/logo-amp.png)
Комментарии