RU

Последние новости

17:23Ўзбекистон Кубоги 1/8 финал босқичи ўйинларида ишловчи расмийлар билан танишинг  0 17:02"Динамо" ҳамда "Нефтчи" ўртасидаги қолдирилган баҳсга ҳакамлар тайинланди  0 16:41Қозоғистон футбол федерацияси президенти Ўзбекистон билан ўйин ҳақида баёнот берди  5 16:18Игорь Шквирин Европа клубига ўтиши нега барбод бўлганини айтиб берди  11 16:11"Бунёдкор" "Сўғдиёна"ни ранжитган ўйиндан ГАЛЕРЕЯ  0 15:38"Рома" "Борнмут" аъзосини харид қилмоқчи  0 15:12GiveMeSport дунёнинг энг яхши футболчилари рейтингини эълон қилди  4 14:45Бундеслиганинг бир қанча клублари "Манчестер Сити" футболчисини сотиб олмоқчи  1 14:18Англия терма жамоаси собиқ сардори маст ҳолда машина ҳайдаганликда айбланиб ҳибсга олинди  0 13:50Абрахам "Рома"дан "Бешиктош"га ўтади  1 13:25Факт: "Бунёдкор" 4 йилдан сўнг Тошкентда "Сўғдиёна"ни ютди   2 12:34Зоран Марушич "Динамо" билан ўйинда майдонга тушадими?  2 12:04Носир Абдусаломов: "0:2 ҳисобидаги мағлубиятдан чиқиб кетиш катта куч талаб қилар эди, голимни бобомга бағишладим"  3 11:44Марио Балотелли Париж мода ҳафталигида модел сифатида подиумга чиқди  7 11:18"Насаф" U-14 Португалиядаги мусобақада қатнашади  10

Отабек Валижонов: “Навбаҳор”га қайтиш ниятим йўқ эмас” Новости

Отабек Валижонов: “Навбаҳор”га қайтиш ниятим йўқ эмас”

Ўз вақтида Наманганнинг “Навбаҳор” жамоаси таркибида ёрқин ўйинлари билан кўпчиликни эътиборини тортган Отабек Валижонов ҳозирда легионер сифатида фаолиятини хорижда давом эттирмоқда.

Хабарингиз бўлса керак, 30 ёшли футболчи ўтган йили Бангладеш чемпионатига қўчиб ўтганди. Шу муносабат билан куни-кеча Отабек билан боғланиб, хориждаги фаолияти ва келгуси режалари ҳақида суҳбатлашдик.

- Ёдингизда бўлса Ўзбекистондаги сўнгги жамоам ҳозирча “Сўғдиёна” бўлиб турибди. 2017 йил Жиззахда маълум муддат ўйнадим. Кейин оёғимдан жиддий жарохат олиб сафдан чиққандим. Ушбу жарохатдан тўлиқ фориғ бўлиб, кейин яна астойдил майдонга қайтишни ўйлаб даволандим. Биласиз, жарохатдан кейин спорт формангиз кўнгилдагидек бўлмайди ва табиийки бошқа клублардан чорловлар кескин пасайиб кетади. Менда ҳам деряли вариант йўқ эди. Шунинг учун ҳеч иккиланиб ўтирмасдан Бангладеш клубидан бўлган таклифни қабул қилдим. Айни ўйнайдиган ёшда бўла туриб, уйда жамоасиз юришни маъқул топмадим. Футболчиларни хориж клубларига ўтишида амалий ёрдам бериб келаётган танишим бор эди. Шу инсон менга ҳам бир неча маротаба хориждан таклифлар бўлаётганини айтиб, ўзимни синаб кўришим кераклигини билдирди.

- Бангладешдаги фаолиятимга келадиган бўлсак, чемпионат савияси ёмон эмас. Об-ҳавонинг иссиқлигини айтмаганда, ҳаммаси яхши кечмоқда. БЖМС жамоаси шарафини ҳимоя қиляпман. Ушбу жамоа Бангладеш пойтахти Дакка шаҳрининг клуби ҳисобланади. Жамоани англиялик мураббий бошқармоқда. Ҳозирда БЖМС чемпионатда 13та жамоа ичида 6-ўринни эгаллаб турибди. Маҳаллий аҳолини футболга бўлган қизиқиши юқори дейиш мумкин. БЖМС да мендан ташқари яна 3 нафар Камерун ва Нигерия каби африка давлатларидан ҳам легионерлар келиб ўйнашмоқда.

- Клуб менга яшаш учун алоҳида уй берган. Баъзида жамоа қароргоҳида қолиб истиқомат қилишим мумкин. Маълум муддатга дам берган пайтларда эса уйга кетаман.

- Бу ерда чемпионат июнь ойида якунланади. Яширмайман олдимда 3-4та вариантлар бор. Лекин мен Ўзбекистонга қайтишим ҳам мумкин. Биласизми наманганлик бўлганим учун “Навбаҳор”нинг ашаддий ишқибозлари мен билан боғланиб, жамоага қайтишимни сўрашади. Лекин бу биргина мухлисларнинг ёки менинг истагим билан амалга ошмайди. Аввало мураббий ва раҳбарият ўзи истаб, жамоага таклиф этса кейин боришим мумкин. Наманганда олдин ҳам ўйнаганман. “Навбаҳор” таркибида ўйнаб, озми-кўпми мухлисларга танилдим. Агарда яна жамоага қайтиш имкони бўлса, “Навбаҳор”га бажонидил ёрдам берган бўлардим.


Рейтинг: +9   

Комментарии

championat.asia
< посмотреть последние новости
Яндекс.Метрика