Отабек Шукуров: “Халқимизнинг ишончини оқлашимиз лозим”
08 мая 2015 08:05
Новости
Отабек Шукуров: “Халқимизнинг ишончини оқлашимиз лозим”
Ўзбекистон ёшлар терма жамоаси аъзоси Отабек Шукуров “Футбол Экспресс” нашрига интревью бериб, унда бўлажак Жаҳон Чемпионатига тайёргарлик борасида тўхталиб ўтди.
“Биринчи марта 17 ёшлилар ўртасидаги мундиалда қатнашганимдан кейин жаҳон чемпионатининг қандай нуфузли мусобақа эканини ҳис қилганман”, дейди Шукуров. “Ўшанда Гондурас терма жамоасига мағлуб бўлганимиз менга қаттиқ алам қилган. Ўтган йили Осиё Чемпионатида муваффақиятли қатнашиб, мундиал йўлланмасини қўлга киритганимиздан бери бутун эътиборимни Янги Зеландияда бўлиб ўтадиган турнирга қаратганман. Тайёргарлик жараёнига жиддий эътибор беряпмиз. Олдимизда турган Жаҳон Чемпионатида аввал эриша олмаган натижаларимизга эришишимизни истайман”.
“Кўпчилик гуруҳимизда Германия фаворит эканини айтмоқда. Албатта, улар кучли ва чиндан ҳам фаворит. Аммо бундай мусобақада ҳар қандай ўйин ҳам оғир ўтади. Жаҳон чемпионатига ҳамма бошқача тайёргарлик билан келади. Таиландда ўтган мусобақада Гондурас олимпия терма жамоамизни мағлуб этганди. Фижи ҳам оддий рақиб эмас. Йиғинлар давомида барча жамоаларнинг ўйинларини кўриб, ўрганиб боряпмиз. Ҳамма нарса ўз қўлимизда. Ўйлаган мақсадимизга эришиш учун барча имкониятларимиз бор. Халқимиз ишончини оқлашимиз лозим”, дея Отабек рақиблар ва Жаҳон Чемпионатига тайёргарлик борасидаги фикрларини билдирди.
Эслатиб ўтамиз, ёшлар ўртасидаги Жаҳон Чемпионати Янги Зеландияда, 30 май куни старт олади.
“Кўпчилик гуруҳимизда Германия фаворит эканини айтмоқда. Албатта, улар кучли ва чиндан ҳам фаворит. Аммо бундай мусобақада ҳар қандай ўйин ҳам оғир ўтади. Жаҳон чемпионатига ҳамма бошқача тайёргарлик билан келади. Таиландда ўтган мусобақада Гондурас олимпия терма жамоамизни мағлуб этганди. Фижи ҳам оддий рақиб эмас. Йиғинлар давомида барча жамоаларнинг ўйинларини кўриб, ўрганиб боряпмиз. Ҳамма нарса ўз қўлимизда. Ўйлаган мақсадимизга эришиш учун барча имкониятларимиз бор. Халқимиз ишончини оқлашимиз лозим”, дея Отабек рақиблар ва Жаҳон Чемпионатига тайёргарлик борасидаги фикрларини билдирди.
Эслатиб ўтамиз, ёшлар ўртасидаги Жаҳон Чемпионати Янги Зеландияда, 30 май куни старт олади.
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
CAFA Nations Cup. Ўмон сўнгги дақиқадаги гол эвазига Туркманистонни таслим этди ва вақтинчалик гуруҳ етакчисига айланди
Валерий Кичин: "Ҳалол ўйин бўлишини истардим"
Комментарии