Отабек Шукуров: "Бундан буён ЖЧга чиққан жамоамиз, шунга яраша ўйнашимиз керак"
27 авг 2025 20:52
Новости

Отабек Шукуров: "Бундан буён ЖЧга чиққан жамоамиз, шунга яраша ўйнашимиз керак"

Ўзбекистон миллий терма жамоаси футболчиси Отабек Шукуров йиғин ва олдиндаги мусобақа ҳақида фикр билдирди.

"Терма жамоа билан йиғинни бошлаб олдик. Ўзимизда ўтадиган CАФАга ҳозирлик кўряпмиз. Асосий масала – Жаҳон чемпионатига тайёргарлик. Ўйлайманки, мана шундай мусобақалар ва кейинги ўйинлар бизга асқатади. Ҳар бир рақиб ўз ватани шаънини ҳимоя қилади. Биз ҳам шу мақсадда ҳаракат қиламиз. Бундан буён ЖЧга чиққан жамоамиз, шунга яраша ўйнашимиз керак.

Рақиблар яхши савиядаги жамоалар деб биламан. Асосийси, ўзимиз яхши тайёргарлик кўришимиз лозим. Шунда ЖЧга тайёр ҳолда етиб борамиз.

Жароҳатим анчага чўзилди ва кўп вақт даволандим. Ўйлайманки, секин-аста жамоавий машқларга киришаман. Ҳаммаси ортда қолди. Бундан буёғига яхши бўлади деган умиддаман", – деди терма етакчиларидан бири.

Эслатиб ўтамиз, Ўзбекистон CAFA мусобақасидаги юришини 30 август куни Ўмон билан ўйин билан бошлайди. Учрашув "Олимпия" стадионида 19:30 да старт олади.

Ссылка :

Источник : Championat.asia

Получайте новости прямо в Telegram!

Рейтинг: +5