Осиё Кубоги-2015. Эртага Ал Шамрони майдонга тушмайдими?
09 янв 2015 15:33
Новости

Осиё Кубоги-2015. Эртага Ал Шамрони майдонга тушмайдими?

Эртага гуруҳимиздаги иккинчи ўйин Саудия Арабистони ва Хитой ўртасида бщлиб ўтади.

Бугун ўтказилган ўйиндан олдинги матбуот анжуманида С.Арабистони термаси устози Хитойга қарши баҳсда Носир Ал Шамронининг ўйнаш-ўйнамаслиги сўроқ остида эканлигини билдирди. Саудияликлар бош мураббийи Космин Олариунинг айтишича, ўтган мавсум якунларига кўра "Осиёнинг энг яхши футболчиси" деб топилган Носир Ал Шамрони 4 январь куни бўлиб ўтган Жанубий Корея билан кечган ўртоқлик учрашувида жароҳат олган.

"Ал Шамрони кореяликлар билан ўйинда жароҳат олди ва баҳсни охиригача ўтказа олмади. Ҳозир жароҳатини даволамоқда. У жуда яхши футболчи, бироқ биз Шамронисиз ҳам ўйнай оламиз. Чунки Осиё чемпионатига 23 нафар кучли ўйинчилар билан ташриф буюрганмиз" - дея айтиб ўтди руминиялик мураббий.

Ссылка :

Источник : championat.asia

Получайте новости прямо в Telegram!

Рейтинг: