"Орол" биринчи даврани қандай ўтказди?

Нукуснинг "Орол" жамоаси биринчи давра якунига кўра 8 учрашувда 5 очко тўплаб 9 жамоа орасидан 8-ўринни банд этиб турибди."Орол" Нукусдаги 4 ўйиннинг аитиг биттасида ғалаба қозониб, 3 тасида имкониятни бой берган бўлса, меҳмондаги 4 ўйиннининг 2 тасида дуранг ўйнаб, 2 тасида ютқазиб қўйди. Жамоа бешта мағлубиятнинг учтасини йирик ҳисобда бой берди.

"Орол"нинг 8 та ўйинини стадионларда жами 11 333 (уйда 7526, меҳмонда 3807) томошабин кузатди. Мухлислар ташрифи бўйича рекорд "Орол" - "Динамо" (2225 томошабин) ўйинига тўғри келди.

Нукусликлар ҳакамлар томонидан 14 марта огоҳлантирилиб, икки бора четлатилган. Мирас Карлибаев ва Ислом Сейтназаров тўғридан-тўғри қизил карточка билан сийланишди. Дамир Низанов эса сариқ карточкалар бўйича пешқадам (3 та).

Ислом Сейтназаров "Сурхон" билан ўйинда автогол муаллифига айланди.

"Орол"нинг 9 та голи 4 нафар футболчи ҳисобига ёзилди. Наврўз Хаипов 5 та, Наврўз Алимов 2 та, Нурлибек Таласбаев ва Расул Мусаев биттадан гол уришди.

Нукусликлар 8 учрашувда учта пеналти тепишди. ҳар учала имкониятдан ҳам Наврўз Хаипов унумли фойдаланди.
 
Олти нафар футболчи жамоанинг барча ўйинларида иштирок этди. Булар:
1. Бахтияр Аразов. 8 ўйин (714 дақиқа)
2. Расул Мусаев. 8 ўйин (696 дақиқа)
3. Наврўз Алимов. 8 ўйин (688 дақиқа)
4. Алишер Сабуров. 8 ўйин (684 дақиқа)
5. Наврўз Хаипов. 8 ўйин (650 дақиқа)
6. Ислом Сейтназаров. 8 ўйин (639 дақиқа)

Полат Каипназаров Қувват Тўраев томонидан 5 марта захирадан майдонга туширилган. Бироқ унинг амйдондаги умумий дақиқалари сони атиги 49 дақиқани ташкил этади.

Жамоа биринчи даврада барча 3 та дарвозабоннинг ҳам хизматидан фойдаланди. Элдор Шуҳратбеков (6 та), Ойбек Жамшидов (2 та), Улуғбек Янгибоев (1 та)

Дамир Низанов мураббий томонидан энг кўп захирага олинган футболчи бўлди. Ярим ҳимоячи 4 та баҳсни асосий таркибда бошлаб, захира ўриндиғида якунига етказди.

"Орол" иккинчи даврадаги илк ўйинини 18 май куни Нукус шаҳридаги "Турон" стадионида Муборакнинг "Мащал" жамоасига қарши ўтказади.

Фурқат Юсупов