Ориф Маматказин "Андижон"га қайтди

Кеча сайтимиз орқали хабар бериб ўтганимиздек, ҳозирча Александр Лупашко, Аскер Нажафалиев ҳамда Шаҳбоз Жумабоев жамоани расман тарк этишди. Шунингдек Асқар Жадигеровни ҳам иккинчи даврада ўзга клубда тўп суриши ойдинлашиб бормоқда. Сабаби Жадигеров ҳамон Андижонга келмаган.

Йиғинга келиб қўшилганлар эса Аслижон Мансуров (“Пахтакор”), Анвар Абдуқодиров ва Артур Маматказинни айтиш мумкин.

Олинган маълумотларга кўра, “Андижон” мураббийлар штабида ўзгариш бор. Яъни Ориф Маматказин эндиликда бош мураббий Азамат Абдураимовга яқиндан ёрдам берадиган бўлди.

Мухлисларга яхши маълумки, Маматказин илгари ушбу жамоада кўп йиллар мобайнида мураббий ва бош мураббий сифатида ишлаган. Унинг футболчилик фолияти ҳам асосан “Андижон”да ўтган.

Жамоа футболчилари мураббийлар штаби ишлаб чиққан режага кўра, кунига икки маҳалдан “Соғлом авлод” стадионида шуғулланишмоқда.

Яна шуни ҳам айтиб ўтиш керакки, “Андижон” 31 июль куни ўз майдонида “Навбаҳор” билан ўртоқлик учрашувини ўтказади.