Ўқувчидан Эктор Куперга энг яхши савол

Сайтимиз ўқувчилари орасида мамлакат терма жамоаси бош мураббийга савол беришни истайдиганлар талайгина топилади. Афсуски Купер билан интервью вақти чегараланган. Шу муносабат билан биз ўқувчилардан келиб тушган энг яхши битта саволни интервью жараёнида албатта Куперга берамиз.

Агар Сизда Эктор Куперга қизиқарли савол бўлса марҳамат соат 17:00га қадар ушбу саҳифа остига ёзиб қолдиринг. Улар орасидан энг яхшисини сайтимиз ходимлари танлаб олишади ва интервью вақтида бош мураббийга ўша саволни берамиз.  

Талаблар:
1.Ҳар бир ўқувчи битта савол бериши керак
2.Саволлар 28 сентябрь соат 17:00га қадар берилиши керак
3.Саволда ҳақорат, ирқчилик, миллатчилик ва ҳоказо бўлмаслиги шарт.
4.Ушбу хабар тагидаги фикрларга жавоб бериш мумкин эмас. Ҳар бир инсоннинг ўз шахсий фикри бор.
5.Маош ҳақида савол бериш тавсия қилинмайди. Сабаби шартномага кўра Купернинг маоши сир тутилади.
6.Имкон қадар Эктор Купер билан бўлиб ўтган матбуот анжумани, интервьюларда унга берилмаган саволни йўлланг.

Энди сайтимиз ўз ўқувчилари билан янада яқинроқ бўлади ҳамда интервью ёки матбуот анжуманларидан олдин "ўқувчидан савол" рукни йўлга қўйилади.

Ушбу рукн сайтимизнинг исталган ижтимоий тармоқларидан бирида бўлиши мумкин. Шу сабабли championat.asia'нинг ижтимоий тармоқларидаги саҳифаларини кузатиб бориш тавсия этилади.

championat.asia сайтининг ижтимоий тармоқлардаги расмий саҳифалари: 

ОДНОКЛАССНИКИ

ТВИТТЕР

ИНСТАГРАМ

ФЭЙСБУК

ЮТУБ

ТЕЛЕГРАМ

ВКОНТАКТЕ 

Сайтимизни кузатиб бораётганингиз ва биз билан эканлигингиздан хурсандмиз!