"Оқ-тепа": Эртага “Нефтчи” билан ўйнаймиз

“Оқ-тепа” Кубок баҳсларининг мазкур босқичида олий лига вакили, чемпионатнинг 6-туридан кейин турнир жадвалида тўплар нисбатига кўра, “Локомотив”дан кейин 3-ўринни эгаллаб турган Фарғонанинг “Нефтчи” жамоаси билан тўқнаш келади. Рақиб олий лиганинг сўнгги турида Жиззахнинг “Сўғдиёна” жамоасини қабул қилиб, йирик ҳисобда мағлубиятга учратди ва “Оқ-тепа”га қарши ўйинга кўтаринки руҳда етиб келмоқда.
 
Мазкур жамоалар бугунги кунга қадар расмий мусобақаларда бирор марта учрашмаган. Фақатгина ўтган йили янги мавсумга тайёргарлик жараёнида “Оқ-тепа” “Нефтчи”нинг ёшлар таркиби билан Тошкентда назорат учрашувида майдонга тушган. Ўша беллашувда жамоамиз кичик ҳисобда (1:0) ғалаба нашидасини сурган.
 
Учрашув 16:30да “Оқ-тепа” стадионида бошланади.
 
Ўзбекистон Кубоги. 1/16 финал
ОҚ-ТЕПА – НЕФТЧИ
29 апрель. Тошкент. “Оқ-тепа” стадиони. 16:30
Бош ҳакам: Азиз Асимов (Тошкент).
Қанот ҳакамлари: Абдуҳамидулло Расулов (Тошкент), Жаҳонгир Саидов (Тошкент).
Захирадаги ҳакам: Жасур Мухторов (Тошкент).
Назоратчи: Радик Серазетдинов (Тошкент).