Олий лига. Уйда ютқазмаётган ва сафарда ғалаба қозонмаётган жамоалар баҳси

Олий лига тақвимидан бугун тўртта учрашув ўрин олган. Шулардан бири Бекобод шаҳрида бўлиб ўтади ва бунда "Металлург" "Андижон"ни қабул қилади.

Олий лига, 11-тур.
МЕТАЛЛУРГ - АНДИЖОН

Бошланиш вақти: 18:00

Ҳакам: Рустам Бобомуродов (Навоий)

Турнир жадвалидаги ўрни: "Металлург" 4-ўринда (20 очко), "Андижон" 12-ўринда (9 очко)
Очколар орасидаги фарқ - 11.

Таъриф: Мазкур учрашувга ўз майдонида ютқазмаётган ва сафарда ғалаба қозона олмаётган жамоалар қарама-қаршилиги таърифини берсак бўлади. Негаки, "Металлург" уйдаги барча ўйинларда ғалаба қозонди, "Андижон" эса сафарда ҳали ғалаба нашидасини сургани йўқ. Бугунги ўйиндаги имкониятлар борасида "Металлург"ники юқори дея оламиз. Аммо "Андижон" ҳам қараб турмаса керак.

Факт: Ўз майдонида бешта ўйин ўтказган "Металлург" ҳаммасида зафар қучди. "Металлург"нинг уйдаги учрашувларда тўплар нисбати 11-5. "Андижон" ҳам сафарда бешта учрашувда майдонга тушиб, барчасида мағлуб бўлди. "Андижон"нинг сафар беллашувларидаги тўплар нисбати 4-13.

Эслатма: Кеча бўлиб ўтган "Металлург" - "Андижон" (Ёшлар лигаси) баҳсида майдон эгалари 3:0 ҳисобида зафар қучишди.