Олий лига-2016. Акмал Холмуродов 6та жамоадан кўпроқ қизил карточка олди
27 ноя 2016 17:20
Новости

Олий лига-2016. Акмал Холмуродов 6та жамоадан кўпроқ қизил карточка олди

2016 йилги олий лигада ҳакамлар 48 марта қизил карточка кўрсатишди.

"Сўғдиёна" клуби ҳимоячиси Акмал Холмуродов бу мавсумда энг кўп, 3 марта қизил карточка олди. Яъни Жиззах клубида фақат Холмуродов бу йил майдондан четлатилди.

Алишер Саматов ("Нефтчи"), Жавоҳир Соҳибов ("Пахтакор") ва Шавкат Муллажонов ("Бухоро") икки мартадан майдондан четлатилди.

Жамоалар орасида энг кўп қизил карточкани "Олмалиқ" клуби олди - 6та. "Пахтакор" ва "Бухоро" клуби футболчиларига 5 мартадан қизил карточка кўрсатилди.

"Насаф", "Бунёдкор" ва "Машъал" футболчиларига мавсум давомида бир мартадан, "Обод", "Металлург" ва "Локомотив" футболчиларига икки мартадан қизил карточка кўрсатилди. Яъни ушбу жамоа футболчиларига Акмал Холмуродовдан камроқ қизил карточка кўрсатилди.

Ссылка :

Источник : championat.asia

Получайте новости прямо в Telegram!

Рейтинг: +6