Олимпия ҳаракати раҳбарлари “Бунёдкор”да ФОТО+ВИДЕО

Шу кунларда юртимизда меҳмон бўлиб туришган халқаро олимпия қўмитаси президенти Томас Бах ва Осиё олимпия кенгаши раҳбари Шайҳ Аҳмад Ал-Фаҳад Ал-Сабаҳ Ўзбекистон миллий олимпия қўмитаси президенти Мираброр Усмонов хамроҳлигида “Бунёдкор” стадионига ташриф буюришди. Меҳмонларни “Бунёдкор” ФК президенти Бедил Алимов ва бошқа масъул шахслар кутиб олишди. Меҳмонлар “Бунёдкор” стадионидаги Ўзбекистон футболи тарихи музейи билан танишишди. Стадионда яратилган шароитларни кўздан кечиришди. “Бунёдкор” футбол мактаби ҳақида маълумот олишди. Шунингдек, оммавий ахборот воситалари вакилларини қизиқтирган саволларга матбуот анжуманида жавоб қайтаришди.

МОК президенти Ўзбекистонда хукумат томонидан ёш авлодни соғлом тарбиялаш учун спортга қаратилаётган юксак эътиборни алоҳида таъкидлаб ўтди. Томас Бах ўзбекистонлик спортчиларга Рио-де-Жанейрода бўлиб ўтадиган олимпиада ўйинларида муваффақиятлар тилади.

Осиё олимпия кенгаши раҳбари ҳам юртимиздаги соғлом турмуш тарзига хавас билан қараб, бу борада мамлакат раҳбарларининг саъйи ҳаракатларига тўхталиб ўтди. Шайҳ Аҳмад Ал-Фаҳад Ал-Сабаҳ ўзбек халқи ҳақида гапирар экан, берган ваъдасини албатта бажаришини таъкидлаб ўтди.

- Ўз сўзига вафо қилувчи ўзбекистонлик ҳамкасбларимиз билан ҳамкорлигимизни янада ривожлантираётганимиздан хурсандмиз, - дейди Шайҳ Аҳмад Ал-Фаҳад Ал-Сабаҳ.

Эътиборингизга олимпия ҳаракати раҳбарларининг “Бунёдкор” стадионига ташрифи ФОТОЖАМЛАНМАСИ ва видеолавҳасини тақдим этамиз.


TAS-IX


TAS-IX эмас