"Odil Cup-2016". 2-турда "Истиқлол" ва "Навбаҳор"дан ғалабалар

Ўзбекистон миллий терма жамоаси сардори Одил Аҳмедов билан реклама шартномаси имзолаган “Imkon Plyus” компанияси бош ҳомийлигида ташкил этилган болалар футбол турнирида 8та жамоа иштирок этмоқда. Кеча иккала ёш тоифасидаги футболчилар 1-тур баҳсларини ўтказишганди. Бугун куннинг биринчи ярмида 2-тур ўйинлари бўлиб ўтди. 

Наманган вилоят футбол федерациясига қарашли "Умид" стадионида дастлаб 2004 йилда туғилган футболчилардан иборат Наманганнинг иккита жамоаси ўзаро баҳс олиб борди. "Баркамол" ва "Навбаҳор" қарама-қаршилигида "Навбаҳор" футболчиларининг қўли баланд келиб, улар 2:1 ҳисобида зафар қучишди. Айтиш мумкинки, бу ўйин турнирнинг энг қизиқарли кечган баҳсларидан бири бўлди. 

Ўйин бошиданоқ қизғин тус олди ва охиригача шундай давом этди. Иккинчи учрашув эса "Истиқлол" ва "Азия" жамоаслари ўртасида кечиб, бунда фарғоналиклар 1:0 ҳисобида рақибдан устун келишди. Бугун тушдан сўнг 2-тур баҳслари давом эттирилади. Бу сафар 2002 йилда туғилган футболчилар майдонда баҳс олиб боришади. 

Odil Cup-2016. Иккинчи кун учрашувлари (2004 й.) 

"Баркамол" (Наманган) - "Навбаҳор" (Наманган) 1:2

Голлар: Муҳиддинов Абдулазиз - Жўрабоев Асадбек (2та)

Энг яхши ўйинчилар: Собиржонов Муҳаммадюсуф - Алижонов Искандар

Бош ҳакам: Максим Нехочин 

"Истиқлол" (Фарғона) - "Азия" (Андижон) 1:0

Гол: Исмоилҳожиев Акбар

Энг яхши ўйинчилар: Исмоилҳожиев Акбар - Маъруфжонов Аброрий

Бош ҳакам: Рифат Одилов