Одил Аҳмедов Наманган спорт коллежи тарбияланувчилари билан учрашди (фото+видео)

10 кун давомида йиғин ўтказган 2004 йилда таваллуд топган футболчилар, кетиш олдидан пойтахтнинг 2004 йилда таваллуд топган ИБЎСМ жамоаси билан баҳс олиб бордилар. Ана шу учрашувни томоша қилиш ва болаларга керакли маслаҳатларни бериш учун Одил Аҳмедов стадионга ташриф буюрди.

Футболчилар билан учрашар экан, МТЖ сардори шундай деди:

- Сизлар водий бўйлаб саралаб олиндингиз. Мен ва вилоят ҳокимлиги барчангизга яхши шароит яратиб берамиз, Сизлардан талаб қилинадиган ягона жиҳат, бу тинмай меҳнат қилиш. Энг муҳими эса тартибга риоя қилиш. Вақтида туриб, вақтида дам олиш спортчи учун жуда ҳам муҳим. Бизнинг ёшлигимизда бундай бўлмаган, ҳозир имкониятингиз кенгайиб бораяпти, ота-онанингиз учун, Ватанингиз учун меҳнат қилинг, шунда сафимиздан ўрин оласизлар.

Рауф Инилеев болалар олдига чиқар экан, бу лойиҳа жиддий бўлмаганида Одилни ўзи шаҳсан келмаслиги, муносабат жиддий-ки, уни ўзи Сизларни олдингизга ташриф буюриб керакли маслаҳат бераётганини такидлаб ўтар экан, айнан унинг қўлида Аҳмедовни МТЖда дебют қилганини ёдга олиб ўтди.

"Мен уни қандай қийинчиликни босиб ўтганини биламан, мана бугун ўзи Сизлардан хабар олгани келди. Бу катта нарса. Шунинг учун биргаликда меҳнат қилган ҳолда барчанинг ишончини оқлашларингиз керак бўлади", - дейди Рауф Талгатович.

Эндиги режага кўра, Наманган спорт коллежи билан ҳамкорликда очилаётган "Одил Аҳмедов академияси" тарбияланувчилари куз ойидан бошлаб янги мавсумни давом эттирадилар. Октябрь ойидан жамоа Европа методикаси асосида ўз ишини юритишни бошлайди.

Декабрь ойининг бошида эса Аҳмедов Наманганда болалар билан биргаликда машғулотларда иштирок этишини маълум қилди.

TAS-IX

http://mytube.uz/tracks/566431.htm

TAS-IX эмас