Одил Аҳмедов: "Ҳайдаров майдонга тушса ўзимни эркин ҳис қиламан"
28 мар 2016 21:14
Новости

Одил Аҳмедов: "Ҳайдаров майдонга тушса ўзимни эркин ҳис қиламан"

Ўзбекистон терма жамоаси сардори Одил Аҳмедов бугунги машғулотдан сўнг ўз фикрларини билдирди.

"Эртага бизни ҳам фақат ғалаба қониқтиради. Стадионга минглаб мухлислар келишлари кутилмоқда. Уларни хурсанд қилишни истаймиз. Эртага сариқ карточка олмасликка ҳаракат қиламан. Боиси учинчи босқичдаги илк баҳсда ўйнай олмаслигим мумкин. Лекин сариқ олмайман деб майдонга тушсангиз аксинча огоҳлантириш олишингиз мумкин. Футболда ҳамма нарса бўлиши мумкин. Ўтган баҳсда Азиз Ҳайдаровнинг ўрнида Жавоҳир Соҳибов ўйнади. Соҳибов яхши футболчи лекин, барибир ҳали ёш. Баъзи вазиятда олдинга ўтиб кетиши мумкин, Ҳайдаров эса тажрибали ўйинчи. У билан бир неча йиллардан буён ўйнаб келаяпмиз. Азиз майдонга тушганида ўзимни эркин ҳис қиламан. У мени, мен уни яхши тушунамиз", - дейди Аҳмедов.

Ссылка :

Источник : championat.asia

Получайте новости прямо в Telegram!

Рейтинг: +39