ОЧЛ. "Пахтакор" рақиби бош мураббийни ишдан бўшатди
18 апр 2019 09:17
Новости

ОЧЛ. "Пахтакор" рақиби бош мураббийни ишдан бўшатди

Осиё чемпионлар лигасида "Пахтакор" билан бир гуруҳдан жой олган "Ал Аҳли"да истеъфо юз берди.

Уругвайлик мутахассис Хорхе Фоссатининг ишидан қониқмаган клуб раҳбарияти унга чиқиш эшикларини кўрсатди ва мавсум охиригача вақтинча мураббий этиб Юсеф Анбарни тайинлади.

Ўз вақтида уч марта Саудия Арабистони чемпионлигини қўлга киритган "Ал Аҳли" ҳозирда ички чемпионатда бешинчи ўринда боряпти. Бундан ташқари жамоанинг ОЧЛдаги ишлари ҳам яхши эмас. Жиддаликлар турнир жадвалида бир ғалаба ва икки мағлубият билан охирги ўринни эгаллаб туришибди.

Бу ҳам камлик қилгандек, "Ал Аҳли" Саудия Арабистони Пролигасининг охирги турида ўз майдонида "Ал Ҳилол"га 0:1 ҳисобида ютқазиб қўйди. Натижада тоқати тоқ бўлган клуб раҳбарияти Хорхе Фоссатини ишдан бўшатишни лозим топди.

Ссылка :

Источник : the-afc.com

Получайте новости прямо в Telegram!

Рейтинг: +10