"Обод" футболчиси майдонда қон либосда ҳаракат қилди (ФОТО)

Тошкентнинг "Обод" жамоаси ўз майдонида Самарқанднинг "Шердор" жамоасини қабул қилиб,  3:1 ҳисобида ғалабага эришди. Учрашувнинг биринчи бўлими 20-дақиқасида майдон эгаларининг 19-рақамдаги футболчиси кичик жароҳат олди ва ўйиндаги либосининг каттагина қисми қон билан қопланди.  Форманинг қон бўлган қисми ювиб ташланишига қарамай, барибир қон теккан қисми қолиб кетди. Футболчининг захира формаси бўлмагани учун ўйин охиригача ушбу либосда ҳаракат қилишга мажбур бўлди.

Регламентга биноан агар футболчининг ўйин либосида қон бўладиган бўлса, майдонга тушишга рухсат берилмайди. Захира формадан фойдаланиш керак. Айни вақтда Олий лиганинг энг бақувват клубларида ҳам иккинчи захира формаси бўлмаганини инобатга олган ҳолда биринчи лига учун буни оддий қабул қилсак бўлади. Захира формаси бўлмаган тақдирда ўйин вақти юзага келган вазиятларда бошқа рақамсиз ўз жамоаси рангидаги либосда ҳаракат қилиш мумкинлиги ҳақида регламентда ёзиб ўтилган.