Нойер Бундеслига дарвозабонлари орасида энг охирги ўринда

Мамлакатнинг амалдаги чемпиони "Бавария" ўз майдонида дебютант "Фортуна Дюссельдорф"ни қабул қилди. Учрашув кутилмаганда 3:3 ҳисобидаги дуранг натижа билан ниҳоясига етди.

"Bleacher Report" нашри айни пайтга келиб Бундеслигада ўзи қўриқлаётган дарвоза томон келган аниқ зарбаларни қайтаришда энг яхши натижа қайд этиб турган киперларни эълон қилди. Унга кўра, "Лейпциг"нинг венгриялик дарвозабони Петер Гулачи ўз дарвозаси томон йўлланган аниқ зарбаларнинг 77.3 фоизини қайтарган ва бу борада пешқадам. Иккинчи ўринда эса "Боруссия М"нинг швейцариялик дарвозабони Янн Зоммер (75%). "Боруссия Д" посбони Роман Бюрки 73.9% зарбаларни қайтарган ва кучли учликни якунлаб бермоқда. Энг қизиғи, "Бавария" ва Германия терма жамоаси кипери Мануэль Нойер бу борада 18та немис клуби дарвозабонлари орасида энг охирги ўринда турибди (43.8% қайтарилган зарба).

Эслатиб ўтамиз, 24 ноябрь куни ўтказилган Бундеслига 12-тур баҳсида "Фортуна" футболчиси Доди Лукебакио Нойер дарвозасини 3 бор ишғол қилган эди. Бельгиялик футболчи учинчи голини немис посбонининг оёқлари орасидан урганди.

Германия чемпионати турнир жадвали >>>>> Бундеслига