Нодирхўжа Юлдашевнинг янги йил табриги!
31 дек 2014 16:37
Новости
![](https://championat.asia/upload/storage/156806_original.jpg)
![](/upload/storage/156806_220.jpg)
Нодирхўжа Юлдашевнинг янги йил табриги!
Йил давомида сайтимиз билан бирга бўлган ўқувчиларга катта раҳмат айтган ҳолда ҳар бир клуб аъзоларини чин юракдан муборакбод этаман.
Йил давомида, бу йил 10-чемпионликни қўлга киритамизми деб, охир-оқибат чемпион бўлган "Пахтакор" мухлисларини. Эҳ, аттанг, бу йил ҳам ўхшамади, "зато" Кубок бизники деб қувонган "Локомотив" мухлисларини. Энг яхши легионер бизда деб гердайиб юрадиган "Насаф" мухлисларини. Ривалдони қўмсаб, тўртинчи ўринни ҳазм қила олмаётган "Бунёдкор" мухлисларини. Ўринбосарларимиз чемпион деб, Хомяковга 5-ўрин учун раҳмат айтаётган "Машъал" мухлисларини. Қачон биз ҳам кучли учликка кирамиз деб Игорь Шквиринга мурожаат қилаётган "Олмалиқ" мухлисларини. Рижконинг пенальтиларига зўрға чидаган "Навбаҳор" мухлисларини. Йил давомида Мурод ака Саидовни қайтаринг деб дардини "комент"да баён қилган "Нефтчи" мухлисларини. Ютиб туриб, ютқазиб қўямиз-да деб кулиб қўядиган "Металлург" мухлисларини. Бобожоновнинг голидан хурсанд бўлиб "Бунёдкор"ни тарихда илк маротаба ютган "Динамо" мухлисларини. Зарафшондан Навоийга кўчиб кетган "Қизилқум" мухлисларини. Чемпиондан очко олган учта жамоадан бири биз деб гердайган "Бухоро" мухлисларини. Кейинги йил янги стадионда ўйнаймиз, тушиб кетма "Сўғдиёна" деб жон куйдирган жиззахлик мухлисларни. 50 йилликни ўтказамиз деб "кийдириб" кетишди деб сайтимизга тиним бермаган "Андижон" мухлисларини. "Любойи"ни гапига, футбол ватани қаер деб мот қилувчи савол билан "ёпиштирадиган" "Қўқон-1912" мухлисларини. Ўз пайтида ОФК кубогида тўп тепган "Шўртан" мухлисларини ва энг, энг, энг муҳими бўлган, барча-барчамизни мана шу сайтда бирлаштириб турган ЎЗБЕКИСТОН миллий терма жамоасининг ашаддий мухлисларини, унда ким тўп тепмасин, ким бош мураббий бўлмасин, доимо қўллаб-қувватлаб турадиган ашаддий мухлисларимизни ЯНГИ ЙИЛ байрами билан ТАБРИКЛАЙМАН!
Нодирхўжа Юлдашев
![AMP Logo](https://championat.asia/image/logo-amp.png)
Комментарии