Нодирбек Тўйчиев ПФЛ раҳбари билан учрашди

Бу масалага барҳам бериш мақсадида жамоа мухлисларининг фаолларидан бири Нодирбек Тўйчиев бугун ПФЛ биносида бўлди.

Учрашувда шу нарса маълум бўлдики, 12 сентябрь куни, агар режалар ўзгармаса, ЎФФ президенти Мираброр Зуфарович Андижонга ташриф буюради.

"Усмоновнинг "Навбаҳор"га берган ёрдамидан бутун водий мамнун бўлди. Энди навбат Андижонимизга келиб турганидан хурсанд бўлиб турибмиз. Ишқилиб, бизнинг клуб ишлари ҳам юришиб кетсин", - дейди мухлислар клубининг фаоли.

Бизга маълум бўлишича, бугун бир қатор андижонлик мухлислар Ўзбекистон -  Янги Зеландия ўйинини ҳам томоша қилишади.

"Аввалги ўйин шунчалик зерикарли бўлдики, хафа бўлиб кетдик. Дўстимиз Абдураҳмон Фозиловни йўқлиги билинди. Шунда, андижонликларга кетдик деб, бугун ўйинга келавердик. Бир томондан ЎФФни тарғиботига ҳам қойил қолмадим. Терма жамоа ўйнаяпти-ю, ҳеч қаерда тарғибот ишлари йўқ. Бу билан қандай қилиб стадионга одам тўплаш мумкин, ҳайронман", - дейди Тўйчиев.

Бугун офисимизда меҳмон бўлган "Андижон" фан клубининг сардори билан ўтказилган эксклюзив интервьюни эртага сайтимизда ўқишингиз мумкин бўлади.


Нодирхўжа Юлдашев