Неъматилло Қуттибоев: "Футболчилар ўйин бошланишидан олдин ғалаба қозондик деган кайфиятда майдонга тушишди"
24 апр 20:52
Новости

Неъматилло Қуттибоев: "Футболчилар ўйин бошланишидан олдин ғалаба қозондик деган кайфиятда майдонга тушишди"

Теги : "Арал"Неъматилло Қуттибоев Олимпик ПРО-Лига

Про-Лиганинг 4-туридан ўрин олган "Арал" - "Олимпик" (0:1) учрашувидан сўнг мезбонлар бош мураббийи Неъматилло Қуттибоев матбуот анжуманида иштирок этди.

"Биринчи навбатда мухлисларимиздан кечирим сўрайман. Ўзингиз гувоҳи бўлдингиз, кўплаб вазиятларимиздан фойдалана олмадик. Дарвозабон эса хатога йўл қўйди ва гол ўтказиб юбордик. Голдан кейин асабийлашдик ва ўзимизга кела олмадик. Футболчилар ўйин бошланишидан олдин ғалаба қозондик деган кайфиятда майдонга тушишди", - дея фикр билдирди Неъматилло Қуттибоев баҳс якунлангач.

- Дониёр Исмоилов биринчи бўлимдаёқ майдонни тарк этди. Унинг захирага олинишига нима сабаб бўлди?

- Мажбурий ўзгариш қилдик. Футболчининг ўзи алмаштирилишини сўради. У жароҳат олди.

- Жамоа тўпурари Иззатилло Абдулҳақов бугунги учрашувда асосий таркибдан жой олмади ва иккинчи бўлимда майдонга тушди. Абдулҳақов асосий таркибдан жой олмагани ҳақида гапириб ўтсангиз...

- Биз кейинги ўйинлар ҳақида ўйлашимиз керак. Бугунги учрашувдан кейин таркибда ўзгаришлар бўлиши аниқ.

- "Олимпик" жамоаси ҳақида фикр билдириб ўтсангиз...

- Ёш жамоа. Улар бугун яхши ўйин кўрсатишди. "Олимпик" гол урганидан сўнг жамоанинг ўзига бўлган ишончи ортди. Уларни ғалаба билан табриклайман.

Ссылка :

Источник : championat.asia

Получайте новости прямо в Telegram!

Рейтинг: +2