“Нефтчи” ёшлари мағлуб этилди

Беллашув "Оқ-тепа"нинг ғалабаси билан якунланди. Биринчи бўлимда катта устунликка эга чиққан футболчиларимиз танаффус арафасида ғалаба тўпини киритди. Чап қанотдан жарима майдони ичига етказиб берилган тўпни ҳимоячилар назаридан четда қолган тажрибали ҳужумчи Маъруф Аҳмаджонов осонлик билан дарвозага жойлаб қўйди – 1:0.

Иккинчи бўлимда ҳам иккала жамоа аъзолари дарвозаларни ишғол қилиш учун ҳаракат қилишди, аммо гол уриш ҳеч бир футболчига насиб қилмади. Шу тариқа учрашув “Оқ-тепа”нинг кичик ҳисобдаги ғалабаси билан якунланди. Эслатиб ўтамиз, мазкур жамоалар ўртасидаги 21 январда ўтказилган биринчи назорат учрашувида фарғоналиклар ғалаба қозонган эди – 1:3.

Назорат учрашуви
“ОҚ-ТЕПА” – “НЕФТЧИ” – 1:0 (1:0)
22 февраль. Тошкент. “Оқ-тепа” стадиони.
Бош ҳакам: Суҳроб Сатторов.
“Оқ-тепа”: Шоҳруҳ Эшбўтаев, Фаррух Сайдалиев, Саид Толипов, Дониёр Усмонов, Нодир Тешабоев, Хуршид Йўлдошев Набижонович, Собир Усмонхўжаев, Зафар Қорақулов, Алишер Шоғуломов, Никита Павленко, Маъруф Аҳмаджонов.
Захирадан тушганлар: Илҳом Жуманов, Сергей Рекун, Зокир Мирзааҳмедов, Бобур Абдураҳмонов, Хуршид Йўлдошев Хуррамович, Фаррух Зикрияев, Нодир Саъдуллаев, Бунёд Қорабоев.
Гол: Маъруф Аҳмаджонов, 38 – 1:0.