“Нефтчи” йиғинни бошлади

Жамоа кеча ўз қароргоҳида йиғилди. Режага кўра икки ҳафта давомида йиғин Фарғонада олиб борилади. Таркибдаги янгилардан Отабек Ҳайдаровни айтиш мумкин. Иқтидорли ҳужумчи охирги йилларда “Қўқон-1912”да ўйнаб келаётганди. 

Шунингдек “Пахтакор” аъзолари бўлган Аббос Махсталиев билан Муҳсин Убайдуллаевнинг ҳам яқин кунларда таркибга келиб қўшилиши кутилмоқда. Айтиш лозимки, Убайдуллаев фарғоналик футболчи ҳисобланади.

Бундан ташқари таркибдаги рақобатни ошириш мақсадида яна бир нечта футболчилар билан музокара олиб борилмоқда.