"Нефтчи": "Биз учун фақат ғалаба керак"

15 авуст, 2015. 18:00.  Наманган шаҳри.

“Навбаҳор” стадиони.

18-тур. «НАВБАҲОР» (Наманган) – «НЕФТЧИ» (Фарғона).

Бош ҳакам: Р. Эрматов (Тошкент)

Ассистентлар: А. Расулов (Тошкент), Ж. Саидов (Тошкент),

Заҳирадаги ҳакам: А. Наджафалиев (Тошкент)

Назоратчи: А.Попов (Ташкент).

ЎзПФЛ вакили:  Ф. Магаметов.

Таҳминий таркиб.

"НЕФТЧИ": №30. Евгений Черемисин, №3. Шукурали Пўлатов, №5. Баҳтиёр Ёқубов, №8. Акмал Холматов, №15. Адриан Кашкавал,  №21. Шерзод Ҳакимов, №20. Дилёрбек Эрматов, №22. Рўзимбой Аҳмедов, №32. Жаҳонгир Меҳмонов, №33. Сардор Раҳмонов, №38. Аббос Махсталиев,

Захира: №1. Сергей Смородин, №10. Мурод Бобожонов, №18. Жавоҳир Расулов, №44. Умид Қодиров. 

P.S.

Қадрли футбол ишқибозлари. Сайтимизда  бўлиб ўтадиган учрашув хақида ва бошқа жамоага таълуқли бўлган ўз фикрларингизни баён этиш имконияти яратилган. Сизлардан комментлар кутиб қоламиз.

  Ўзбекистон чемпионатининг иккинчи давраси “Нефтчи” учун жуда ҳам ёмон бошланди. Ғузордага кутилмаганда,  шармандаларча йирик ҳисобда мағлубиятга учрашимиз ва 17-турда  Фарғонадаги аламли натижа клуб ва муҳлисларни саросимага солиб қўйди. Сўнгги икки турдаги салбий натижа биринчи даврадаги барча ҳурсандчиликга  доғ туширди. Клуб аъзолари ва муҳлислари умид қиладиларки, жамоамиз худди “Пахтакор” ва “Насаф”дан учраган кетма-кет аламли мағлубиятлардан сўнг, керакли  сабоқ чиқариб,  ўз қаддини тиклаб, сафарда, “Водий дербисий”да “Андижон”ни мағлуб этгани сингари,  Наманганда ҳам ўз сўзини айтади.

  18-турдан ўрин олган “Навбаҳор” – “Нефтчи” учрашуви ҳар икки томон учун ҳам жуда ҳам муҳим. Намангандаги учрашув “Водий дербиси” мақомини олиши ҳам бу ўйинга бўлган  эътибор катталигини билдирмоқда. Агар ”Водий дербилари” тарихига  назар солсак, кўрамизки Фарғоналиклар “Навбаҳор” ва ” Андижон” жамаоларидан катта фарқ билан илгарилаб кетишган.  Эътироф этиб  айтиш мумкинки, футболчиларимиз биринчи даврада режалаштирилгандай  пешқадамлар сафида тугатишди. Умид қиламизки Наманганда ҳам худди биринчи даврадаги сингари  юқори савияда ўйнаб, ўз мавқеимизни яхшилаш йўлидаги  қадамларимизни давом этамиз.

  Чемпионатнинг биринчи даврасида Қўқон шаҳрида бўлиб ўтган  учрашувда  “Навбаҳор” устидан кичик хисобда (1:0) ғалабага эришган эдик. Умид қиламизки шанба кунги учрашувда йигитларимиз яна ҳам қизиқроқ ва шиддатолироқ ўйин кўрсатишиб, ўз муҳлсларини ҳурсанд қилишади.

  Энди “Нефтчи” – “Навбаҳор” жамоаларининг ўзаро учрашувлари хақидаги маълумотларни кўриб чиқайлик.

  Жамоалар  Ў  Ю  Д  М  Т/Ф   О

1.НЕФТЧИ  47  24  12  11  73–47=+26  84 

2.НАВБАҲОР  47  11  12  24  47–73= -26  45 

Фарғоналиклар Ўзбекистон чемпионатида меҳмонда “Навбаҳор”  билан бўлиб ўтган 23 учрашувнинг 5тасида фарғоналиклар ғалаба қозонган, 9 учрашувда  дуранг натижаси қайд этилган. 9 ўйинда эса  наманганликлар муваффақият қозонган.

Наманганда бўлиб ўтган сўнгги беш учрашув  натижалари:

29.03.2014. “Навбаҳор” - «Нефтчи» 1:1
10.08.2013. “Навбаҳор” - «Нефтчи» 1:1
16.06.2012. “Навбаҳор” - «Нефтчи» 1:0
20.06.2011. “Навбаҳор” - «Нефтчи» 1:2
29.05.2010. “Навбаҳор” - «Нефтчи» 1:1

“Нефтчи”нинг ўзаро ўйинларда қозонган энг йирик ғалабаси – 4:1га тенг. “Навбаҳор”нинг энг йирик ғалабаси 3:0.

Ғалаба ҳамиша сенга ёр бўлсин “НЕФТЧИ”!!!