"Навбаҳор" - "Олмалиқ": ПРЕВЬЮ

Рақиблар Ўзбекистон чемпионатининг олий лигасида шу кунга қадар 18 бор ўзаро куч синашишган. 2008 йили асос солинган қарама-қаршиликларда «Навбаҳор» беш бор «Олмалиқ»ни мағлубиятга учратган. Олмалиқликлар ҳисобидаги ғалабалар сони эса тўққизтани ташкил этмоқда. Тўрт ўйинда эса кучлар тенг келган. Тўплар нисбатидаги кўрсаткич 26:28, "Олмалиқ" фойдасига. Ўзаро ўйинлардаги энг йирик ҳисоб 2011 йили кузатилган. Ўшанда жамоамиз «Олмалиқ»даги «Металлург» ўйингоҳида мезбонлар дарвозасига жавобсиз учта тўп киритганди. Ўзаро ўйинлар тарихида "лочинлар" "Олмалиқ"қа уч тўп фарқи билан енгилишмаган. Наманганда ўтказилган умумий 9 ўйиннинг 3 тасида "лочинлар" 3 очкога эга бўлишган ва худди шунча дурангга имзо чекишган. Эътиборлиси, Наманганда кечган сўнгги икки қарама-қаршиликда кучлар тенг келган. 2010, 2011 ва 2013 йилларда "олмалиқликлар" меҳмондан ғалаба билан ортга қайтишган. "Олмалиқ" билан ўтказилган ўйинлар тарихига назар ташлайдиган бўлсак, "Навбаҳор" номидан Шаҳбоз Эркинов рақибга қарши ўйинда бешта голни ўз номига ёздириб, ўзаро қарама-қаршиликларда тўпурарлик қилиб турибди.

Намангандаги "Марказий" ўйингоҳда бошланадиган учрашувни навоийлик Рустам Бобомуродов бошчилигидаги ҳакамлар бригадаси бошқаради. Унга қанотларда ҳамшаҳарлари Обид Жумаев ва Руслан Самандаровлар ёрдам беришади. Захирадаги ҳакам сифатида Игорь Худайдатов қайд этилган. Назоратчи вазифасини эса Арслон Ҳотамов бажаради. Алексей Фролов учрашувни ПФЛ вакили сифатида кузатади.

Наманганда ўтказилган ўйинлар:
2008 йил
"Навбаҳор" - ОТМК - 2:0 (1:0).
Голлар: Ш. Мирхолдиршоев (25), Д. Хожиев (85).

2009 йил
"Навбаҳор" - "Олмалиқ" - 0:0.
Голлар: С. Усмонхўжаев (27), Б. Ҳайдаров (72-пен.).

2010 йил
"Навбаҳор" - "Олмалиқ" - 0:1 (0:0).
Гол: Н. Отақўзиев (68).

2011 йил
"Навбаҳор" - "Олмалиқ" - 0:1 (0:0).
Гол: З. Пиримов (80).

2012 йил
"Навбаҳор" - "Олмалиқ" - 3:1 (0:0).
Гол: С. Ҳамидов (8,20), Ж. Ирисметов (60) – С. Бердиев (74).

2013 йил
"Навбаҳор" - "Олмалиқ" - 1:3 (1:3).
Голлар: С. Ҳамидов (4) - О. Жўрабоев (25), С. Шоаҳметов (32, 35).

2014 йил
"Навбаҳор" - "Олмалиқ" - 3:1 (2:1).
Голлар: Б. Ёқубов (36), Ш. Эркинов (39, 63) - Ш. Ҳакимов (28)

2015 йил
"Навбаҳор" - "Олмалиқ" - 2:2 (2:1).
Голлар: Ш. Эркинов (38, 68) - Ш. Саломов (45+2), А. Омонов (59)

2016 йил
"Навбаҳор" - "Олмалиқ" - 3:3 (0:2).
Голлар: А. Абдуллаев (47), И. Исоқжонов (49), А. Маҳмудов (72) - Х. Мухторов (7), М. Исаев (28), И. Иномов (50)