"Насаф" қишда кимлар келгани ва кетганини эълон қилди
25 янв 2023 14:57
Новости

"Насаф" қишда кимлар келгани ва кетганини эълон қилди

Янги футбол мавсуми олдидан Қарши жамоаси таркибида ўзгаришлар юз берди.

Ўтган мавсумда жамоа таркибида тўп тепган россиялик ярим ҳимоячи Иван Соловьёв, ҳимоячи Дилшод Саитов, ярим ҳимоячи Шароф Муҳитдинов "Насаф"ни тарк этди.

Шунингдек, яна бир ярим ҳимоячи Муродбек Раҳматов Навоийнинг "Қизилқум" жамоасига ижарага берилди.

Жамоани тарк этган футболчилар ўрнига янги футболчилар билан шартнома имзоланганидан хабарингиз бор. Хусусан, ўтган мавсум "Қўқон-1912"да ҳаракат қилган Жавоҳир Сидиқов, Навоийнинг "Қизилқум" клубида ўйнаган ҳимоячи Шуҳрат Муҳаммадиев ва Тожикистон миллий терма жамоаси аъзоси Муҳаммаджон Раҳимов Қаршига таклиф этилди.

Эслатиб ўтамиз, қаршиликлар хорижий йиғинни ўтказиш учун 27 январь куни Туркияга учиб кетади.

Аввалроқ "Насаф" 2023 йилда қайси бренд либосларидан фойдаланиши маълум бўлган эди.

Ссылка :

Источник : "Насаф" матбуот хизмати

Получайте новости прямо в Telegram!

Рейтинг: +7