"Насаф" - "Навбаҳор" учрашуви қаҳрамони: "Насаф" доимо юрагимда қолади"
12 апр 2019 22:56
Новости

"Насаф" - "Навбаҳор" учрашуви қаҳрамони: "Насаф" доимо юрагимда қолади"

Суперлига доирасидаги "Насаф" - "Навбаҳор" (0:1) учрашувининг энг яхши футболчиси деб топилган меҳмонлар дарвозабони Ўткир Юсупов ўйин ҳақидаги фикрлари билан ўртоқлашди.

Ўткир Юсупов: - "Насаф"га қарши ўйинга жиддий тайёргарлик кўргандик. Қаршига фақат ютуқ учун келгандик. Майдонда бор вужудимиз билан ўйнаб, мақсадга эришдик. Наманган аҳли, раҳбарият олдида юзимиз ёруғ бўлиши учун ғалаба жуда зарур эди. "Бунёдкор"дан аламли мағлубиятга учрадик. шу боис орқага йўл қолмаганди. Шу туфайли фақат ғалабани кўзладик. Ўйин қийин бўлиши аввалдан маълум нарса эди. Ҳақиқатдан қийин учрашувни ўтказдик. Ўйиндан-ўйинга малака ошиб бораверади. "Насаф"да ҳам яхши даврларни бошдан ўтказганман. Бу жамоа менинг юрагимда қолади.

- Азиз Ғаниевнинг жарима зарбаси? "Насаф"да ўйнаб юрган кезларимда ҳам Азиз доим жарима зарбаларини машқ қиларди. Мен аслида у мен турган нуқтага тепади, деб ўйлагандим. Йўқ, жонли девордан ўтказиб яқин бурчакни нишонга олишни кўзлади. Яхшиямки вазиятни ўз вақтида пайқадим.

Ссылка :

Источник : championat.asia

Получайте новости прямо в Telegram!

Рейтинг: +27